Un ano máis e desde a Plataforma Consulta Popular Estatal Monarquía ou República, queremos estar ao voso lado nestas datas tan simbólicas para as familias, nas que o calendario e o solsticio adquiren un sentido especial.

Queremos resaltar a constancia e o empeño en conseguir os nosos soños, así somos como especie e esta plataforma quere facer fincapé na perseveranza, constancia e sobre todo coherencia, que está poñendo na consecución desta consulta tan esencial para a democracia, desde que se constituíu o pasado 19 de outubro de 2019.

Non botamos en saco roto o noso proxecto, que é o de todos, tampouco perdemos de vista os obxectivos marcados por esta plataforma que, como todos sabedes, é levar a cabo unha Consulta Popular, na que se oia a voz de todo o que queira expresar a súa opinión con respecto á Xefatura do Estado, levada a termo co maior rigor posible e facendo honor á democracia.

Sabemos que non será vinculante, pois non é un referendo, senón unha consulta que actúe como barómetro do sentir da rúa e sirva para traer a debate nas institucións unha cuestión de máxima importancia.

Estamos traballando para preparar esa data, que xa anunciamos na anterior asemblea, para o próximo ano, concretamente, o 14 de maio de 2022.

A organización e coordinación do evento está en marcha, precisamente pola constancia e coherencia da que falamos e que nos caracteriza. Só falta, que vós sexades perseverantes tamén, na consecución deste gran proxecto, impulsando esta gran xornada de participación democrática e libre expresión popular na que poderemos votar sobre se queremos Monarquía ou República.

Un Ano Novo de ilusións, de proxectos e sobre todo de moita saúde (non esquecemos a actual situación sanitaria), para todos os homes e mulleres de boa vontade.

 

Seguimos na brecha!

 

Feliz Solsticio de inverno 2021!

C.C:Rosillo