O obxectivo xeral dos catro grupos de traballo estatais é, ademais de difundir e impulsar a Consulta, poñer a disposición de todos os territorios, organizacións, colectivos e persoas a información necesaria sobre: modelos de documentos e solicitudes, asuntos legais, materiais e recursos necesarios para a realización da Consulta Popular Estatal Monarquía ou República.
EXTENSIÓN
Obxectivo
- Estender a consulta estatal ao maior número de territorios, sectores, organizacións, colectivos e movementos sociais.
Tarefas
- Contactar coas organizacións, colectivos e MMSS que poidan estar interesados para que se sumen e promovan a Consulta Estatal.
- Promover plataformas unitarias para a organización da Consulta nos distintos territorios. No caso de que nun territorio non se constitúa o espazo unitario, impulsar a coordinación entre as distintas organizacións e colectivos que promovan a constitución de mesas de votación.
- Manter un censo actualizado dos territorios, organizacións e colectivos que forman a Plataforma Consulta Popular Estatal.
ORGANIZACIÓN
Obxectivo
- Organizar a información sobre os medios, recursos e loxística para o mellor desenvolvemento da Consulta Estatal.
Tarefas
- Información sobre o prezo dos materiais para a realización da Consulta: urnas, etc.
- Información sobre prezos de medios de propaganda: carteis impresos, chapas, etc.
- Organización do centro loxístico do reconto, en coordinación co grupo de Comunicación: crear unha aplicación de móbil (app) para a recollida estatal de datos e difusión dos resultados.
COMUNICACIÓN
Obxectivo
- Difundir a Consulta por todos os medios, canles e redes posibles para chegar ao maior número de persoas.
Tarefas
- Deseño da imaxe corporativa unitaria da Consulta Estatal: logo, etc.
- Deseño dos materiais gráficos da Consulta: carteis, imaxes, etc.
- Relacións cos medios de comunicación. As plataformas territoriais terán especialmente en conta aos medios locais.Xestionar a páxina web da Plataforma Estatal.
- Realizar o listado xeral das mesas de votación (páxina web).Os datos das mesas (procincia, municipio, enderezo e horario) enviaranos ao correo mesasvotacion14mayo@plataformaestatalmonarquiaorepublica.org as persoas coordinadoras de información de cada mesa.
- Creación dunha canle informativa da Plataforma estatal en Telegram.
- Xestionar as diversas canles e redes: Twitter, Facebook, Instagram, etc.
- Planificación de accións (campañas) unitarias estatais en determinadas datas: ciberaccións en Twitter, repartimentos de propaganda, etc.
ASUNTOS LEGAIS
Obxectivos
- Guías/protocolos de información e modelos de documentos para o desenvolvemento da Consulta.
- Asesoramento xurídico.
Tarefas
- Guías de trámites para a constitución das mesas de votación.
- Protocolo para a xornada de votación.
- Modelo de comunicación aos concellos.
- Modelo de comunicación ás subdelegacións provinciais do Goberno.
- Modelo de acta de votación.
- Modelo de folla de reconto de votos.
- Modelo de papeleta de votación.
- Modelo de folla de datos estatísticos: códigos postais, tramo de idade e xénero.
Cada grupo de traballo estatal poderá elixir unha ou dúas persoas para as tarefas de coordinación polo tempo que o grupo decida.
Plataforma Consulta Popular Estatal Monarquía ou República
Obxectivos e tarefas dos grupos de traballo estatais
