Nel caberu conceyu de la Plataforma Consulta Estatal, cellebrada en Toledo’l pasáu 18 de xineru, alcordóse cellebrar un nuéu conceyu’l 14 de marzu en Madrí pa siguir avanzando na organización de la Consulta Popular Estatal Monarquía o República.

 

N’anteriores conceyos, depués de constituyise la Plataforma, formáronse cuatro grupos de trabayu estatales y alcordáronse los sos oxetivos y tarees, aprobóse la Guía de trámites pa instalar les meses de votación y el Protocolu pa la xornada de votación, alcordóse la fecha del 9 de mayu de 2020 pa la cellebración de la Consulta, etc.

 

Nel conceyu del 14 de marzu diba a evaluase’l cumplimientu de los oxetivos y tarees de los grupos de trabayu estatales, a concretar les canales de difusión de les meses/puntos de votación (llocalidades y llugares) y el sistema de recoyía de datos y comunicación de resultaos, y tiníase previsto tamién aprobar el modelu de papeleta de votación.

 

Ente la situación sanitaria esistente y la entrada en vigor de les necesarias midíes de contención del virus Covid-19 aprobaes poles autoridades no pudo cellebrar el conceyu presencial convocáu pal 14 de marzu.

 

Plantease, por tanto, la necesidá de cellebrar prósimamente un conceyu telemática pa valorar la situación actual y adoptar los alcuerdos pertinentes respeuto a la fecha de la Consulta Estatal Monarquía o República.

 

Nesti sentíu, al tar falta la Plataforma Estatal de fondos propios, alcordóse que les organizaciones, colectivos y territorios que participen na Consulta fagan aportaciones económicas mínimes pa poder invertir nuna plataforma/sistema telemáticu profesional pa que podamos caltener un conceyu coles condiciones técniques adecuaes y na que puedan participar toles persones representantes de colectivos/territorios que lo deseen.

 

El conceyu telemáticu celebraráse nel plazu de trés selmanes, el sábadu 4 d’abril. Mentantu les distintes organizaciones, colectivos y territorios, que nun lo tengan fecho yá, podrán fixar les sos posiciones y propuestes ente la situación sanitaria actual y la fecha de cellebración de la Consulta Estatal, prevista inicialmente pal 9 de mayu.

 

Nl casu probable d’aprobar el so aplazamientu, cuando la situación sanitaria lo permita la Plataforma cellebrará un conceyu presencial nel que, ente otros asuntos, alcordaráse la nueva fecha de la Consulta Estatal Monarquía o República.

 

Por último, dende la Plataforma Consulta Popular Estatal Monarquía Republica queremos facer un reconocimientu a toles trabajadores de los sistemas públicos de salú (sanitariu y non sanitariu), alimentación, tresporte y del restu de servicios esenciales, pol so especial esfuerciu y dedicación na actual situación sanitaria y llamamos a la ciudadanía a sumase masivamente al homenax que tolos díes a las 22 hores se-yos ta rindiendo en forma d’aplausu/cacerolada coleutiva. #YoQuedoEnCasa

 

15 de marzu de 2020