Comunicáu 20 d’ochobre


COMUNICADO

CONSTITUYÍA LA PLATAFORMA CONSULTA POPULAR ESTATAL MONARQUÍA O REPÚBLICA

 

YE ilusionante tomar la iniciativa ente inacciones o imposiciones. Esa ye la esencia de la democracia: el pueblu opinando, elixendo, decidiendo… y esti ye’l casu. Cuerren vientos de consultes populares, cuerren vientos de consultes monarquía o república.

 

Y ye que, si nos paramos a encamentar, ¿cómo podemos saber el grau d’aceptación o rechazu que la ciudadanía siente ente la monarquía? ¿Cómo podemos conocer el grau d’aspiración de ser una república? Pues tenémoslo difícil, lo cual ye persintomático. El Centru d’Investigaciones Sociolóxiques (CIS) incluyía hasta’l 2015 una pregunta al rodiu’l grau d’aceptación que la población tinía sola monarquía. Dende entós… silenciu absolutu. Ensín dulda, hai silencios mui elocuentes.

 

Ente esta situación, nos caberos meses se tiene cellebrao en distintos sectores, fundamentalmente universidaes y territorios, ciudaes, pueblos y barrios, consultes populares monarquía o república, pa que toles persones que quisieren pudieren emitir la so opinión respondiendo nuna papeleta a estes dos preguntes: “¿Quier usté poder decidir la forma d’Estáu?” y en casu de que la respuesta fuere afirmativa la segunda pregunta: “¿Monarquía o República?”.

Nun se trata de consultas coles que se pretenda una validez llegal, son víes d’espresión y participación ciudadana sobre una cuestión de másima importancia en cualesquier democracia: la forma d’Estáu.

 

Les universidaes y bien de ciudaes y pueblos tienen sío la punta de llanza. Ye yá’l momentu d’organizar la convocatoria d’una Consulta Popular Estatal Monarquía o República pa que’l conxuntu de la ciudadanía se pueda pronunciar y decidir sobre la forma d’Estáu. 

 

Con esti oxetivu bien d’organizaciones, colectivos y espacios unitarios nos tuvimos constituyío nuna Plataforma Estatal, amplia y plural, pro Consulta Popular, y nos organicémonos pa aniciar el procesu en cuatro grupos de trabayu: Llamamientu y Estensión, Difusión y Comunicación, Organización y Loxística, y Regles Xenerales y Asuntos Llegales.

 

Pa encontranos y facer oyír la nuesa voz, para promover el debate y cuestionanos lo que quieren que sía incuestionable: la monarquía n’España. Y en democracia nada debe de ser incuestionable salvo la voluntá del pueblu.

 

El prósimu conceyu de la Plataforma sedrá’l 23 de payares y la celebración de la Consulta Estatal Monarquía o República na primavera de 2020.

 

Ochobre de 2019. 

 

Plataforma Consulta Popular Estatal Monarquía o República