Comunicau
LA CONSULTA POPULAR ESTATAL MONARQUÍA O REPÚBLICA ASOLEYALA UNA PLATAFORMA XUNITARIA, AMPLIA Y PLURAL
El pasau 7 payares cellebrose en Madrid la IX asamblea de la Plataforma Consulta Popular Estatal Monarquía o República. La Plataforma aprebó, ente otros alcuerdos, convocar la Consulta el 14 mayu de 2022.
Amás de fixar la fecha definitiva actualizaronse documentos aprebaos n` anteriores alcuentros:
– Llamau a la Consulta
– Oxetivos y xeres de los grupos de trabayu estatales.
– Guía trámites pala costitución de meses de votación
– Protocolu pala xornada de votación
Asinamesmo ampliaronse los grupos de trabayu estatales de la Plataforma: Organización, Estensión, Comunicación y Asuntos Llegales, y aprebose un plan de aición estatal pala difusión de la Consulta. De too ello informose n un comunicau el mesmu 7 de payares.
Non obstante, una axencia d’anuncies estatal centró la noticia nel sofitu a la Consulta por parte de dos organizaciones polítiques concretes, fechu que foi ampliamente reproduciu por estremaos medios de comunicación, llimitando la información so’l conxuntu d’ alcuerdos y xeres aprebaes pala reanudación de les actividaes ya estensión de la Consulta depués de la situación sanitaria qu’ atraviesaramos.
La Plataforma Consulta Popular Estatal Monarquía o República ye un espaciu xunitariu, abiertu, ampliu y plural, integrau por organizaciones polítiques, sindicales y sociales, plataformes que ya asoleyaran consultes seutoriales (universidaes) o territoriales y por gran parte del movimientu republicanu, en total 59 entidaes. Toes estes organizaciones tán na Plataforma, participen y deciden n’igualda de condiciones.
La Consulta Popular Estatal convocada ye una vía de llibre espresión y participación ciudadana so una cuestión de másima importancia en cualquier democracia: la forma del Estau. Esta importante iniciativa democrática va poder realizase gracies al trabayu y al entusiasmu de miles de persones, toes voluntaries, organizaes en coleutivos o non, que de forma xunitaria van montar meses de votación nel conxuntu del Estau el 14 de mayu de 2022.
12 de payares de 2022
Plataforma Consulta Popular Estatal Monarquía o República