Comunicáu 20 de xineru


COMUNICÁU

 

APROBÁU EL PROTOCOLU PALA CONSULTA POPULAR ESTATAL MONARQUÍA O REPÚBLICA DEL 9 DE MAYU

 

El pasáu 19 d’ochobre constituyóse en Madrí la Plataforma Consulta Popular Estatal Monarquía o República, col oxetivu d’entamar una consulta democrática non vencellante para que’l conxuntu de la ciudadanía se pueda pronunciar sobre la forma d’Estáu.

 

La Plataforma ye un espaciu unitariu, ampliu y plural, integrada por trés grupos d’entidades: organizaciones polítiques, sindicales y sociales; el movimientu republicanu organizáu nel Alcuentru Estatal pola República y plataformes y coleutivos que yá tengan promovío consultes sectoriales o territoriales.

 

Ayeri, 18 de xineru, conforme a lo previsto, cellebróse nel Círculu del Arte de Toledo el tercer conceyu de la Plataforma na que s’alcordaron los oxetivos y tarees de los cuatro grupos de trabayu estatales constituyíos: Estensión sectorial y territorial; Organización y Lloxística; Difusión y Comunicación y Asuntos Llegales y Regles Xenerales.

 

Nsti encuentru tamién se debatieron y aprobaron la “Guía de trámites pala constitución de meses de votación” y el “Protocolu pa la xornada de votación”, nel que se regulen meses eleutorales, horariu de votación, emisión del votu, escrutiniu, centru lloxísticu, comunicación de resultaos, asesoramientu llegal y incidencies, etc.

 

Respeuto a la financiación de la Consulta Estatal alcordóse que cada territoriu se faga cargu de los gastos necesarios: urnes, cartelería, materiales pa les meses de votación, etc., mediante aportaciones de les organizaciones y coleutivos miembros de la Plataforma y un micromecenazgu (crowdfunding) collaborativu.

 

La Consulta convocada ye una estaya importante d’espresión y participación ciudadana sobre una cuestión de másima importancia en cualisquier democracia: la forma d’Estáu. Cuestión sobre la que la ciudadanía nun pudo pronunciase nin decidir en dengún momentu, ni na llamada Transición Democrática nin posteriormente.

 

Coles espectatives creaes pola convocatoria, dende l’anterior reunión de payares se tienen sumao nueos colectivos a la iniciativa, constituyendo yá plataformes pro Consulta n’abondos territorios. El prósimu conceyu de la Plataforma Estatal sedrá a principios de marzu na ciudá de Madrí.

 

 

19 de xineru de 2020

 

Plataforma Consulta Popular Estatal Monarquía o República