Comunicau
X ASAMBLEA DE LA PLATAFORMA CONSULTA MONARQUÍA O REPÚBLICA
A pocu más de tres meses del 14 de mayu la Plataforma Estatal cellebró la so X Asamblea na qu’ aprebose, ente otros asuntos, la papeleta votación de la Consulta Popular
El 30 de xineru cellebróse de forma telemática, la X asamblea de la Plataforma Consulta Popular Estatal Monarquía o República, cola participación de 53 representantes de les organizaciones, colleutivos y fasteres qu’integrenla.
La Plataforma constituyóse n’ ochobre de 2019 col oxetivu de puxar ya organizar la Consulta Estatal. N’ anteriores asamblees aldericaronse y alcordaron toles cuestiones importantes de la Consulta y aprebaron los documentos básicos: Llamáu, la Guía Trámites pala Costitución de Meses de Votación, el Protocolu pa la Xornada de Votación y la Guía d’ Información Básica de la Consulta. Tamién formaronse cuatru grupos de trabayu estatales (Estensión, Organización y Lloxística, Comunicación y Asuntos Llegales) p` articular les estremaes tarees a desendolcar.
Na X asamblea, a pocu más de tres meses de la Consulta, avanzose en cuestiones práutiques y concretes. Nel prósimu períodu l aición prioritaria de toles organizaciones, colleutivos ya espacios qu èmburrien la Consulta ye la organización de les meses de votación nel conxuntu del Estau. Una vegada establecios los responsables de los puntos de votación unviarán a la Plataforma Estatal los datos de les mesmes: provincia, conceyu, direición ya horariu de la mesa, pa asina poder espublizar na páxina web de la Consulta el llistau completu de tolos puntos de votación.
Nesta asamblea tamién plantegaronse y resolvieronse diversos asuntos en rellación a los trámites a facer pa instalar les meses de votación ente los Ayuntamientos y les Subdelegaciones Provinciales del Gobiernu, y cuestiones práutiques en rellación a los recursos materiales necesarios: meses, urnies, cartelos, papeletes de votación ya otros documentos.
En rellación a la papeleta de votación alcordose que llevará l testu de darreu: Consulta Popular Estatal Monarquía o República, 14 de mayu de 2022 y les opciones Monarquía/República colos sos correspondientes recuadros pa que la ciudadanía puea señalar la opción que-y pete. La papeleta llevará tamién la fras: Consulta Popular non vinculante.
Nesta X asamblea los estremaos colleutivos y fasteres informaron de la organización y desendolque de la Consulta, nel marcu de los criterios alcordaos pola Plataforma Estatal: costitución de comisiones/plataformes xunitaries promotores de la Consulta en fasteres y conceyos, y n aquellos llugares onde nun seya posible cordinación de les entidaes qu’ emburrien la Consulta pal so meyor desendolque.
Nes sociedaes democrátiques los pueblos deciden so toles cuestiones importantes que-yos conciernen, ente elles la forma d Estau. Na llamada Transición democrática ni darreu pudimos escoyer Monarquía o República. Per eso el 14 de mayu, anque la Consulta nun ye vinculante, sedrá una gran xornada de democracia participativa ya un actu democráticu de llibre espresión popular, nel que podremos votar y pronuncianos so la forma d Estau, Monarquía o República.
30 de xineru de 2022
Plataforma Consulta Popular Estatal Monarquía o República
