Comunicáu 24 de payares


COMUNICADO

 

LA CONSULTA POPULAR ESTATAL MONARQUÍA O REPÚBLICA SEDRÁ’L 9 DE MAYU DE 2020  

 

El pasáu 19 d’ochobre, cola participación d’un bon númeru d’organizaciones, colectivos y espacios unitarios, constituyóse en Madrid la Plataforma Consulta Popular Estatal Monarquía o República, col oxetivu d’organizar la convocatoria d’una consulta democrática non vinculante pala que’l conxuntu de la ciudadanía se pueda pronunciar y decidir sobre la forma d’Estáu. 

 

Amás de la constitución de la Plataforma Estatal nel conceyu citáu formáronse cuatro grupos de trabayu: Llamamientu y Estensión, Organización y Lloxística, Regles y Asuntos Llegales y Difusión y Comunicación, y alcordóse que la consulta se realizara na primavera del prósimu añu. 

 

Ayeri, 23 de payares, conforme a lo previsto, celebróse’l segundu aconceyamientu de la Plataforma na que s’alcordó que la Consulta Popular Estatal Monarquía o República va celebrase nel conxunto del Estáu’l 9 de mayu de 2020.

 

Al mesmu tiempu, debatieronse y aprobaronse los planes y l’articulación de los cuatro grupos de trabayu esistentes, alcordóse poner en marcha una páxina web de la Plataforma, aprobóse un primer cartel de la Consulta Estatal, amás de qu’l próximu conceyu de la Plataforma seya’l prósimu 18 de xineru na ciudá de Toledo. 

 

La Consulta Estatal convocada ye una vía importante d’espresión y participación ciudadana sobre una cuestión de másima importancia en cualesquier democracia: la forma d’Estáu. Cuestión sobre la que la ciudadanía no se pudo pronunciar nin decidir en deningún momentu, nin na llamada Transición Democrática, nin posteriormente. 

 

Coles espectatives creaes pola convocatoria d’esta consulta democrática, al segundu conceyu de la Plataforma Estatal se tienen sumao, amás de les organizaciones que tuvieron nel conceyu anterior, nuevos colectivos y asociaciones de distintu calter ampliándose la Plataforma y la so pluralidá.

 

24 de payares de 2019

 

Plataforma Consulta Popular Estatal Monarquía o República