Komunikatua
ESTATU MAILAKO MONARKIA EDO ERREPUBLIKA KONTSULTA ATZERATU EGIN DA
Monarkia edo Errepublika Estatuko Herri Kontsultaren Plataformatik, lehenik eta behin, osasun sistema publikoetako (osasunekoa eta ez osasunekoa), elikadurako, garraioko, garbiketako, zaintzako eta gainerako sektore eta zerbitzu funtsezkoetako langile guztiei egin nahi diegu aintzatespena, egungo osasun egoeran ahalegin eta dedikazio berezia egin dutelako, eta herritarrei dei egiten diegu egunero txalo artean egiten ari zaien omenaldi masiboarekin jarraitzeko.
Gaur, apirilaren 4an, aurreikusitakoaren arabera, Estatuko Herri Kontsulta Plataformaren laugarren topaketa egin da telematikaren bidez. Bilera horretan, Kontsultaren data atzeratzea proposatu da, eta herritarrek parte hartzeko eta adierazpen libreko ekimen demokratiko garrantzitsu hori zabaltzeko eta antolatzeko lan-planak betetzen diren ebaluatu da.
Hasiera batean maiatzaren 9rako aurreikusita zegoen Kontsultaren datari dagokionez, hura atzeratzea erabaki da. Agintariek onartutako Covid-19 birusari eusteko beharrezko neurriak aplikatuta, gaur egungo egoerak Estatu, Monarkia edo Errepublika formari eta Kontsulta bera egiteari buruzko aukerak eztabaidatzea eragozten du.
Estatuko Herri Kontsulta Plataformak aho batez erabaki du 2020ko udazkena Kontsultaren erreferentzia-aldi gisa ezartzea, eta erabaki du data zehatza estatuko topaketa batean erabakiko dela, egungo pandemia gainditzeko aldi baterako aurreikuspenak modu seguruagoan ezagutu ondoren.
Plataformak kontsulta zabaltzeko eta antolatzeko lan-ildoak ere eztabaidatu eta adostu ditu, egungo konfinamendu-egoeran garen egin daitezkeenak. Besteak beste, neurri hauek onartu dira: Kontsulta Estatuko lurralde guztietan sustatzea; Monarkia edo Errepublika eztabaida telematikoak egitea; hurrengo aldia eta data esanguratsuak aprobetxatzea Kontsulta zabaltzen jarraitzeko; Estatuko lan-taldeak sendotzea, bereziki Antolaketa eta Logistikakoak eta Lege Gaietakoak. Adostutako lanak egiten jarraitzea ere onartu da, Toledon egin zen aurreko bileran onetsitako kontsultaren helburu orokorrak betetzeko.
Kontsulta demokratiko honen deialdiak sortutako itxaropenarekin, Plataformaren aurreko bileraz geroztik, estatu mailako hainbat erakunde politiko eta sindikal gehitu dira, bai eta gizarte-talde eta mota desberdinetako elkarte berriak ere, Plataformaren antolaketa eta lurraldea zabaltzeko joerari eta haren aniztasunari jarraipena emanez.
2020ko apirilaren 4a
Estatu Mailako Monarkia edo Errepublika Herri Kontsultaren Plataforma
