Llamamientu

 

 

Llamamientu

 

CONSULTA POPULAR ESTATAL MONARQUÍA O REPÚBLICA

 

Nes sociedades democrátiques los pueblos deciden sobre toles cuestiones que-yos pruyen, ente elles sobre una de les importantes, la forma d’Estáu. La mayoría de la población d’anguaño nun tuvo oportunidá de votar la Constitución de 1978; pero quien sí pudo facelo, tampoco nun tuvo la opción d’elexir sobre la forma d’Estáu, yá que foi trafuyáu’l debate na llamada transición democrática. Nin naquel momentu nin posteriormente tuvimos la posibilidá de dicidir.

 

Poro, abondes organizaciones y colectivos constituyímonos nuna Plataforma unitaria pa empobinar una Consulta Popular Estatal Monarquía o República y que la ciudadanía pueda pronunciase sobre una d’estes dos opciones.

 

Somos conscientes de qu’esta consulta nun podrá tener un calter vencellante, pero ye una vía d’espresión, participación ciudadana y un actu democrático col que, amás, exercemos el nuesu drechu a decidir sobre tolo que mos pruye.

 

Sedrá’l 9 de mayu de 2020 y pues participar nesta xornada votando, pero la to participación pue dir mucho más allá: espardiendo la consulta, formando parte de los grupos de trabayu territoriales que se tan entamando y sofitando la constitución de les meses de votación.

 

El prósimu 9 de mayu va a ser una gran jornada de participación democrática y llibre espresión popular na que podremos votar sobre si queremos Monarquía o República como forma d’Estáu.

 

ESPARDE, SOFITA, ORGANIZA, PARTICIPA

¡VAS DECIDIR TU!